Friday, March 28, 2008

အမျိုး၊ ဘာသာ၊ သာသနာအတွက် သင့်ကို အရေးတကြီး အလိုရှိသည်။ ( ညီညွတ်ခြင်း အပိုင်း ၆)

သင့်ကို (အမျိုး၊ ဘာသာ၊ သာသနာအတွက်) ယခုအခါမှာ အရေးတကြီး လိုအပ်နေပါပြီ။

မြန်မာလူမျိုးတွေ အလွန်အာကျယ်ခဲ့ကြသည်။ "သာကီမျိုးဟေ့ ဒို့ဗမာ"မင်းမျိုးပေါ့ …ဒါ့ထက် ကဲပြီး ပြောချင် သေး သည်။ ဘုရား၏ အမျိုး၊ သိဒ္ဓတ္ထ၏ အမျိုးအနွယ် ဟူ၍ပင် …… ……. မိမိကိုယ်မိမိ ကြီးကျယ်မြင့်မြတ်သူ ဟု အမွှန်းတင် ၍ သခင်နေရာမှ စကားပြောခဲ့ကြသည်။

"ကျွန်ကုလား၊ မယားတောသူ" တစ်ခေတ်တစ်ခါက အဲဒီလို ပြောနိုင်အောင် မြန်မာပြည်၊ မြန်မာလူမျိုးတွေ ကြီးကျယ်ခဲ့ကြသည်။ ချမ်းသာ ကြွယ်ဝခဲ့ကြသည်။ ကမ္ဘာ့အလယ်မှာ မျက်နှာပန်းလှခဲ့ရသည်။ ထိုကာလများကား လွမ်းစရာ ဖြစ်၍ အတိတ်တွင် မှုန်ဝါးဝါးနှင့် မှတ်ပင် မမှတ်မိနိုင်တော့ပါ။

သာကီမျိုးဟေ့ ဒို့ဗမာ။ ယခုအခါ ဘာမျိုး ဖြစ်နေပြီလဲ။ ကျွန်ကုလား၊ မယားတောသူ အခုရှိသေးလား။

အော်အော်၍ ရယ်ရမည်လား … ရှိုက်ရှိုက်၍ ငိုရမည်လား …. (ဒေါသ ကိလေသာ) ကတော့ ဒီအတွေး ပေါ်လာတိုင်း အကြီးအကျယ် ထကြွနှောင့်ယှက်လာနေသည်။

အဲဒီခံစားချက် (အနုသယ) သည် ဗုဒ္ဓဘာသာ မြန်မာတမျိုးသားလုံး၏ သန္တာန်တွင် အလွန်စွဲမြဲစွာ ကိန်းအောင်း နေပြီး မြန်မာတမျိုးသားလုံး၏ ဆင်းရဲခြင်း အနိဋ္ဌအာရုံနှင့် တိုက်လိုက်တိုင်း ထိန်းမရ သိမ်းမရ ထွက်ပေါ်၍ လာနေပေပြီ။ မျိုးချစ်စိတ်ပေပဲလား။ အနိုင်ကျင့်ဖိနှိပ်ထားသည့် မိစ္ဆာဒိဋ္ဌိများကို တော်လှန်ချင်သော သတ္တိပေပဲလား။ ကျနော်တို့၏ သန္တာန်တွင် ဤစိတ်ဖြစ်ပေါ်လာတိုင်း ဆင်းရဲလှသည်။ ရင်ထဲတွင် လှိုက်၍ လှိုက် ၍ တက်လာသည်မှာ ဆို့၍ ဆို့၍ လာသည်။ ရံခါ မျက်ဝန်းအတွင်း တား၍ မမှီလိုက်သော မျက်ရည်များကလည်း ရောက်နှင့်နေတတ်ပါသည်။ ဤဝေဒနာသည် မခံနိုင်အောင် ဆိုးဝါးစွာ နှိပ်စက်ပါသည်။ မခံသာသော ဒုက္ခဝေဒနာ ဖြစ်ပါသည်။

မင်းမျိုးဟု ကြွေးကြော်ခဲ့ကြသော မြန်မာတို့သည် (မ.ဆ.လ၊ န.၀.တ၊ န.အ.ဖ) ခေတ်အဆက်ဆက်တွင် ကျွန် အောက်က သဘောက်ဘ၀သို့ ကျရောက်ခဲ့ရပြီ။

မြန်မာတို့ ချမ်းသာကြွယ်ဝစဉ်က အိန္ဒိယမှ ကုလားလယ်ကူလီများကို ခေါ်၍ စေခိုင်းခဲ့ကြသောလည်း ဤမိစ္ဆာ တို့လက်ထက်တွင် ကမ္ဘာ့နိုင်ငံအသီးသီး (Africa) ပင် မကျန်အောင် သွားရောက်၍ မြန်မာလူမျိုး ယောက်ျား၊ မိန်းမ မကျန် ကျွန်ခံခြင်း၊ ကျွန်အလုပ်ကိုပင် မိမိအိတ်အတွင်းမှ ပိုက်ဆံငွေကြေးကို အရင်းအနှီးမတည်၍ လိုလို လားလား အလုအယက် သွားလုပ်နေကြရပြီ။ "ကျွန်မြန်မာ" ဘ၀သို့ ရောက်နေပေပြီ။ ကျွန်ဘ၀ရောက်နေသော မြန်မာအချင်းချင်းလည်း ပြည်ပအလုပ်အကိုင်အတွက် ခိုက်ရန်ဖြစ်ပွား သတ်ဖြတ်သည့် အဆင့်ပင် ဖြစ်နေသည်ကို အခုတလော ထိုင်းနိုင်ငံမှ မြန်မာအလုပ်သမားအချင်းချင်း သတ်ဖြတ်မှုများက သက်သေ ခံနေပေသည်။

"မယားတောသူ" သိပ်လှပတဲ့ စကား။ မြန်မာတို့ ရှေးက အကြင်လင်မယားအဖြစ် အိမ်ထောင်ပြုကြတော့ မည်ဆိုလျှင် မိဘရိုသေ၊ အိမ်မှုကျွမ်းကျင်၊ ဘာသာ ကိုင်းရှိုင်းသော တောသူ တောင်သားကို တန်ဖိုးထား ရွေးချယ် ခဲ့ကြသည်ကို အထင်အရှားပြဆိုသော စာချိုးလေးပင် ဖြစ်ပါသည်။

ယခုအခါတော့ "မယားတောသူ" ဘ၀မှ HIV တောသူ၊ AIDS တောသူ၊ B ပိုး တောသူ၊ C ပိုးတောသူများ ဖြစ် ကုန်ကြပြီ။ ရင်နာစရာ ကောင်းလေစွ။ နားနှင့်ပင် မကြားဝံ့သာ။ အစစအရာရာ ကျဆင်းလာသော စီးပွားရေး စံနစ်ဆိုးကြောင့် (သေလို့မရဘဲ နေနေရသော) ဘ၀တစ်ခုကို အသိဥာဏ်ရှိသလောက် ရင်ဆိုင်နေရသော တောသူလေးများ၊ တိုင်းရင်းသူလေးများ Karaoke၊ အနှိပ်ခန်း (တချို့ အနှိပ်ခန်းမှာတော့ ယခုခေတ် အခေါ်အ ဝေါ် အတိုင်း ရေ၊ မီး အစုံ All in one အကုန်ပါတယ်ဆိုပြီး ….. သိကြမှာပေါ့။)၊ ပြည့်တန်ဆာအခန်း၊ ပြည်တွင်း မှာတင်မက ပြည်ပအထိ သွားရောက်လုပ်ကိုင်နေကြရပြီ။ Bangkok မြို့ပေါ်က နာမည်ကြီး ပြည့်တန်ဆာ အခန်းတွေမှာ မြန်မာပြည်က တောသူလေးတွေ၊ တိုင်းရင်းသူလေးတွေ ရာနှင့်ချီပြီး ရှိနေပြီ။ အံ့သြစရာ ကောင်းပါသလား။ လုံးဝ မအံ့သြပါ။ ဘာကြောင့်ပါလဲ။ အဖြေရှိပါသည်။

"ပညာမဲ့သူတို့ အခွင့်ထူးခံ လူတန်းစားဖြစ်ချင်လာကြပြီဆိုလျှင် အဲဒီ ပတ်ဝန်းကျင်မှ လူအများသည် ဆင်းရဲခြင်း သို့ အလုံးစုံ ရောက်ကြရသည်" တဲ့။

ဗုဒ္ဓ၏ အဆုံးအမကို သံဃာတော်အရှင်သူမြတ်များမှတဆင့် ဟောကြားကြသည့်အတွက် ဤသို့ နာဖူး၊ မှတ်ဖူး၊ လေ့လာဖူးခဲ့သည်။ သွေးထွက်အောင် မှန်သည်။ ပြည်တွင်းမှာရော၊ ပြည်ပမှာရော မြန်မာလူမျိုးတွေ ကျွန့် အောက်က သဘောက်ဘ၀သို့ ရောက်နေရခြင်း၊ မြန်မာအမျိုးသမီးလေးများ တိုင်းရင်းသူလေးများ၊ လူမျိုးကွဲ ဘာသာကွဲ ငွေရှင်ကြေးရှင်များ၏ ပျော်တော်ဆက်များအဖြစ် အသက်ရှင်နေထိုင်ရေးတွက် ပေးဆပ် နေရခြင်းသည် ပညာမဲ့ မိစ္ဆာဒိဋ္ဌိများကြောင့် ဆိုလျှင် မမှားနိုင်ပေ။

သမ္မာ သမ္ဗုဒ္ဓ (ဘုရားရှင်) သာရှိလျှင် ဤသို့များ ပြောလေမလားဟု ကျနော်၏ ဒေါသစိတ်ဖြင့် အထင် ရောက်မိပါသည်။
"မိစ္ဆာဒိဋ္ဌိကို အမြစ်မှ လှန်ဖို့ သင့်ကို အလိုရှိသည်" အမျိုး၊ ဘာသာ၊ သာသနာ ကွယ်တော့မည့် အရေးကို မြင်နေ ရပြီဖြစ်သည့်အတွက် "ချစ်သားတို့ ငါဘုရားတည်ထောင်ထားသော သာသနာသည် ဤမိစ္ဆာဒိဋ္ဌိတို့ကြောင့် ကွယ်လုပြီ" ဒီလိုများ ပြောလေမလား?

ငါ၏ သားတော်တွေကိုလည်း သတ်ကုန်ပြီ။ ငါ၏ သားတော်များကိုလည်း သင်းကွဲအောင် လုပ်နေပြီ။ ငါ၏ အဆုံး အမ အဆိုအမိန့်များကိုလည်း ဟောကြားခွင့်ကိုတောင်းခံနေရသည်။ ကတိခံဝန်ချက်တွေ လက် မှတ်ထိုးပေးနေရသည်။ မဟောရလို့ ပိတ်ပင်တားဆီးခြင်းလည်း ခံနေရပေသည်။ (မှတ်ချက် ။ ငါဘုရားဆိုသော အသုံးအနှုန်းကို သမုတိသစ္စာဖြင့် ရေးပါသည်။)

- ဘုရားကိုလည်း မိစ္ဆာဒိဋ္ဌိတို့က ၎င်းတို့၏ ပုံတူထုကုန်ပြီ။
- တရားတော်ကိုလည်း ဟောကြားခွင့် ပိတ်ပင်ခံနေရပြီ။
- သံဃာကိုလည်း ပေတစ်ရာလမ်းမ ပေါ်မှာ သတ်ဖြတ်နေကြပြီ။ ထောင်သွင်း အကျဉ်း ချနေကြပြီ။ ထောင် အတွင်း ထပ်မံ၍ တိုက်ပိတ်နေကြပြန်ပြီ။

ဒင်းတို့ ဘာတွေလဲ။ ဘယ်ဘာသာမှ ဒါမျိုး ခွင့်မပြု။ ဘာသာမဲ့ မိစ္ဆာဒိဋ္ဌိများ ဖြစ်ကြသည်မှာ ဧကန်ပင် ဖြစ်ပေ သည်။ ဤမိစ္ဆာဒိဋ္ဌိတို့ကို ရှင်းလင်းရန် သင့်ကို အလိုရှိသည်။ လူတန်းစားမရွေး၊ အသိဥာဏ်မရွေးကို အလိုရှိသည်။ မိမိတို့၏ အမျိုး၊ ဘာသာ၊ သာသနာအတွက် မိတ်ဆွေတို့အားလုံးကို အလိုရှိသည်။

မိမိတို့က လက်ဦးမှုရအောင် သတိရှိဖို့လိုသည်။ မိစ္ဆာတို့ကို လက်ဦးမှု ရယူနိုင်ရန် အသင့်ပြင်ဆင်ထားကြဖို့ လို အပ်သည်။ မိတ်ဆွေ၊ ဆွေမျိုး၊ သူစိမ်း ခွဲခြားနေ၍ မရသော အချိန်အခါကို ရောက်နေပေပြီ။

စစ်သား၊ ရဲ၊ ကြံ့ဖွတ်၊ စွမ်းအားရှင် ဆိုသော အပေါ်ယံအရေခွံကို ကြည့်၍ ဆုံးဖြတ်မရသလို ဘုရားလူကြီး၊ ရပ် ကွက်လူကြီး၊ အမျိုးသမီး စွမ်းဆောင်ရှင် ရယ်လို့လည်း ကြည့်ရှုဆုံးဖြတ်၍ မရပါ။ ကျနော်တို့ ဖွေရှာ၍ သုတ် သင်နိုင်ဖို့ သတိရှိရမည်မှာ (မိစ္ဆာဒိဋ္ဌိ ဘာသာမဲ့၊ ဘာသာဖျက်၊ လူမျိုးဖျက်) များကို မြင်အောင် ရှာဖွေကြည့်ရှု ရမည် ဖြစ်ပါသည်။

- အရေခွံကိုကြည့်ပြီး မုန်း၍မရသလို
- အရေခွံကိုကြည့်ပြီးတော့လည်း ကြည်ညို၍ မရပါ။

မကောင်းမှုကို အစဉ်ပြုနေသော အဓမ္မ၀ါဒီများသည် မဝေးသောကာလတွင် အကြမ်းဖက် လူသတ်ရန် အဆင်သင့်ဖြစ်နေကြပြီ။ အပြစ်မဲ့သော ပြည်သူများတို့ ………..ဆန္ဒခံယူပွဲလောက်ကို မမြင်စေချင်ပါ။ ထို့နောက်ကွယ်မှ လူသတ်ပွဲကြီး အဆင်သင့်ရှိနေသည်ကို သတိပြုမိဖို့ လိုပါသည်။ လူသတ်ပွဲ နောက်တစ်ကြိမ်လာပါလိမ့်ဦးမည်။

ဒူးထောက် အသေမခံ၊ သေရမည်ဆိုလျှင် တိုက်ရင်းသာ အသေခံကြမည်။ တော်လှန်ရေးအတွက် အသင့် ရှိကြပါ။

အမျိုး၊ ဘာသာ၊ သာသနာအတွက် သင့်ကို အရေးတကြီး အလိုရှိသည်။
_________________________________________________________________________________________________

ဆန္ဒမွန် …

"အရှည်အတို မတူညီကြသော လက်ငါးချောင်း၏ ညီညွတ်မှုဖြင့် အရာဝတ္ထုတစ်ခု ကို မြဲမြံစွာ ဆုပ်ကိုင် ထားနိုင်သလို အသိဥာဏ်အဆင့်အတန်း အမျိုးမျိုးသော ပြည်သူလူထု၏ ညီညွတ်မှုဖြင့် လွတ်လပ်ရေး ကို ခိုင်မာမြဲမြံစွာ ဆုပ်ကိုင်နိုင်ကြပါစေ" ဟု ဆန္ဒပြုရင်းဖြင့် Unity စာစုကို ဤတွင် နိဂုံးချုပ် လိုက်ပါသည်။

ကျန်တော်၏ ညီညွတ်ရေးဆောင်းပါးများ..အစအဆုံးဖတ်ရှုလိူပါက PDF file download တင်ပေးထားပါသည်။ ကျွန်တော်တို့  ညီညွတ်စွာ အဓမ္မ၀ါဒီများကို တော်လှန်ကြပါစို့ လား ခင်ဗျာ

 
/* EOT ----------------------------------------- */